ගුටි කන්න ඕනෙද

 
විටෙක හිනැහෙයි විටෙක හඩදෙයි ලියන්නට නැහැ ඉඩක් දෙන්නේ
ඉල්ලමින් මම ලියන පෑනත් කෑගසාගෙන අතට පැන්නේ
සාරියක් ගෙන  බිරිදගේ  එය අන්දවන්නයි කෑ ගසන්නේ
ඒක නොකලොත් පැත්තකට වී මුව වසාගෙන තරහ වෙන්නේ

මොන්ටීසෝරියෙ ටීච යැයි මම  ඇදන් සාරිය සිනා වෙන්නේ
පොතක් අරගෙන කවි කියා දෙයි ටීච අනුකරණය කරන්නේ
දෝණි කියනා දේ අසාගෙන සිටිය  යුතුමයි ඇය රවන්නේ
එසේ නොකලොත් කුස්සියට ගොස් කොස්ස ගෙන අපහට තලන්නේ

පෑන් පැන්සල පාට කූරුද බිත්තියේ හැම අත දුවන්නේ
හුදකලාවෙම කියව කියවා මොනවදෝ මේ කුරුටු ලන්නේ
ඇදපු සිතුවම් කොල  ගොඩක් ගෙන  බිත්තියේ අලවා තියෙන්නේ
අයිය ආහම පෙන්නවන්නයි අම්මි හෙම නෑ ඉරාලන්නේ